Во Младинскиот културен центар во Скопје викендов од 11 до 17 часот ќе се одржи првото издание на „Стрип трип фестивал“. На програмата се дискусии и презентации на најнови домашни и регионални стрип изданија, гости автори и издавачи, изложба на реномирани стрип цртачи, музичка програма, работилница за цртање стрип за деца, филмска програма и берза на стрипови.
– Ги повикуваме сите издавачи, колекционери, стрипомани и стрип љубители и нивните најмили да дојдат и учествуваат на првото премиерно издание на Стрип трип, кое искрено се надеваме ќе прерасне во богата и долгогодишна традиција – велат од МКЦ.
